مرة واحد كان ماشي بالشارع وداس على قشر موز..
وطاح وضربت يده بالأرض
وتعور كوعه
راح لأقرب دكتور
.. ولما دخل العيادة ..
قال للممرضة: أنا طحت على يدي وتعور كوعي! وأبي أشوف الدكتور!
قالت له الممرضة:
.. عايزين عيّنة من البول) الله يكرمكم)
الرجال استغرب وقال: عشان ايش عينة البول!!.. وشدخل البول بكوع يدي!!؟؟
الممرضة عصّبت وقالت:
بكيفك!! لازم عينة بول عشان تدخل على الدكتور.. هذا النظام
مافيه بول .. يعني مافيه دكتور!
الرجال.. سلّم أمره لله وقال يالله مافيه مشكله.. وجاب لهم عينة البول وسلموها للدكتور.
وبعد شوي نادى الدكتور على المريض.. و لما شاف المريض ابتسم وقال:
واضح الضربه قويه .. بس تطمن كوعك سليم ولا صار فيه كسر!
المريض استغرب كيف عرف الدكتور وقال: أكيد الممرّضة قالت لك !!
قال الدكتور: لا أبدا
.. تحليل البول هو اللي يبين كل شي ..لتحليل البول بالكمبيوتر أنا عندي جهاز جديد
خذ هالمرهم وادهن منه كوعك
وبعد أسبوع راجعني ولا تنسى تجيب عيّنة البول معك
الرجال راح بيته وفي راسه الف سؤال... مستغرب من هالاختراع الجديد
وقال لعياله عن الموضوع وقاموا يضحكون عليه ويقولون له ان هذا نصب دكاتره
ومافيه شي اسمه تحليل بول بالكمبيوتر
بعد اسبوع الرجال كوعه خف تماما وقرر يروح للدكتور
بس واحد من عياله اقترح عليه انه يسوون مقلب بالدكتور ويكتشفون النصب والاحتيال
قام الولد وأخد عينة من بوله على عينة من بول اخته على عينة من بول ابوه وحط
عليهم شوية من زيت سيارة ابوه وقال:
خلنا نشوف هالنصاب,, وش بيسوي .. والله يا بنضحك عليه ضحك
الرجال اخذ ( البول الكوكتيل ) وراح للممرضه وعطاها عينة البول
!!!! وقعد ينتظر
وبعد نص ساعة تقريباً طلع الدكتور معرق وماسك ورقة طويلة ..
قام الرجال وسال الدكتور وهو يضحك
ها بشر يا دكتور وش حصلت بالتحليل !!؟؟
جاوبه الدكتور:
واضح ان كوعك صار تمام التمام
بس في شوية نتائج غريبة!!؟
ولدك مدمن هيرويين
.. وبنتك حامل
وسيارتك محتاجه تغيير بواجي
